Ajans.az Mothership nəşrinə istinadən xəbər verir ki, hadisə Sinqapur qanunvericiliyi çərçivəsində araşdırılıb. Təqsirləndirilən şəxs 36 yaşlı Vyetnam vətəndaşı Nguyen Thi Phuong Thuy-dir. O, 2008-ci ilin avqustunda 54 yaşlı Sinqapur vətəndaşı ilə rəsmi nikaha daxil olub. 2012-ci ildə Thuy tibbi müalicə məqsədilə Vyetnama qayıdıb və orada yerli bir kişi ilə münasibət qurub. 2015-ci ildə hamilə qaldıqdan sonra həmin şəxslə evlənib. Lakin o, ilk əri ilə rəsmi boşanmanı yalnız 2017-ci ildə rəsmiləşdirib. Vyetnam hakimiyyəti 2018-ci ildə qadının əvvəlki nikahının davam etdiyi dövrdə ikinci evlilik bağladığını müəyyən edib və bu səbəbdən ikinci nikah etibarsız sayılıb. Məlumata görə, Nguyen Thi Phuong Thuy 18 dekabr 2025-ci ildə Sinqapur məhkəməsi qarşısına çıxarılıb. O, məhkəmədə hazırda 10 yaşlı uşağını tək böyütdüyünü və yaşlı anasına qulluq etdiyini bildirərək, səmimi şəkildə əfv olunmasını istəyib. Bütün hallar nəzərə alınaraq, qanunvericilikdə bu cür cinayətə görə yeddi ilədək həbs cəzası nəzərdə tutulmasına baxmayaraq, məhkəmə ona üç ay həbs cəzası verib.
