BAKI, 26 dekabr. TELEQRAF
İstanbul polisinin terrorizmlə mübarizə şöbəsi cümə axşamı günü 124 yerdə eyni vaxtda axtarış aparıb və Milad və Yeni il şənlikləri zamanı hücumlar planlaşdırdığı iddia edilən İŞİD qrupunun 100-dən çox üzvü şübhəli şəxs kimi həbs edilib.
İstanbul prokurorluğu verdiyi açıqlamada bildirib ki, hakimiyyət orqanları ekstremist təşkilatın Milad və Yeni il şənlikləri zamanı, xüsusən də qeyri-müsəlmanlara qarşı tədbirlər görməyə çağırdığı barədə məlumat alıblar.
Prokurorluq 137 şübhəli haqqında həbs qərarı verib, onlardan 115-i həbs olunub. Axtarışlar zamanı polis çoxsaylı odlu silah, sursat və sənədlər də müsadirə edib.
Polisin antiterror əməliyyatı hələ də davam edir
