525.az saytından alınan məlumatlara görə, ain.az xəbər verir.
Şamil Əliyevin “Yaradanlar-2” bədii-sənədli filmi XXIV Dəkkə Beynəlxalq Film Festivalının Dünya Kinosu Bölməsində müsabiqəyə qatılacaq.
525.az xəbər verir ki, festival 2026-cı il yanvarın 10-18 aralığında Banqladeşin Dəkkə şəhərində keçiriləcəkdir.
Film dahi memarlar Mikayıl Hüseynov və Sadıq Dadaşovun həyat və yaradıcılıq fonunda 20-ci əsrdə kommunist ideologiyasının Azərbaycan mədəni irsinə, əxlaqına vurduğu şiddətli zərbənin araşdırılmasından, Heydər Əliyevin Azərbaycana rəhbərlik etdikdən sonra ziyalıları repressiyalardan qoruyaraq onların yaşayıb-yaratması üçün qayğılarından bəhs edir.
“Yaradanlar - 2” filmi “Salnamə” studiyası və Nurfilm Prodüser Mərkəzində 2024-ci ildə istehsal olunub. Filmin quruluşçu-rejissoru Şamil Əliyev, ssenari müəllifi Xalq yazıçısı Natiq Rəsulzadə, operatoru Rüfət Süleymanov, bəstəkarı Azər Əsgərov, rəssamı Lalə Hüseynzadə, prodüseri Nazim Hüseynovdur və Şamil Əliyevdir.
Hadisənin gedişatını izləmək üçün ain.az saytında ən son yeniliklərə baxın.
