Kaliforniyada şiddətli yağış, fırtına və daşqınlar nəticəsində ölənlərin sayı üçə çatıb
BBC-nin məlumatına görə, şiddətli fırtına Los-Ancelesin bəzi yerlərində insanların təxliyəsinə və yolların bağlanmasına səbəb olub.Səlahiyyətlilər daşqın suları nəticəsində nəqliyyat vasitələrində ilişib qalanları xilas etmək üçün çalışarkən, dünən etibarilə ştatda təxminən 100.000 insan elektriksiz qalıb.ABŞ Hava Proqnozu Mərkəzi də çoxsaylı qəfil daşqınların mümkünlüyü barədə xəbərdarlıq edib.
Səlahiyyətlilər çərşənbə günü San Dieqoda 64 yaşlı bir kişinin yıxılmış ağacın altında qalaraq öldüyünü, bazar ertəsi günü isə Mendosinoda dalğaların okeana atılması nəticəsində 70 yaşlarında başqa bir kişinin öldüyünü açıqladılar.

Həmçinin, həftəsonu Reddinqdə daşqınlar səbəbindən 74 yaşlı bir kişinin öldüyü açıqlandı.Kaliforniya qubernatoru Qevin Nyusom dünən Los-Anceles, Oranj, Riversayd, San Bernardino, San Dieqo və Şasta qraflıqlarında son zamanlar yağan yağış və fırtınalar səbəbindən fövqəladə vəziyyət elan edildiyini açıqladı.

Nyusom qeyd etdi ki, yanvar ayında Pasifik Paliseydsdə baş verən meşə yanğınlarından zərər çəkən ərazilər güclü yağış, palçıq sürüşmələri və dağıntı axını təhlükəsi ilə üzləşir.

aia.az
Tərcümə şöbəsi

• Müharibə
• Kaliforniya
• Hava Şəraiti