Yaxın gələcəkdə ABŞ Prezidenti Donald Trampla yüksək səviyyəli görüş üçün razılıq əldə edilib.
Herbiand.az xəbər verir ki, Ukrayna Prezidenti Volodimir Zelenski bunu “Telegram” kanalında açıqlayıb. O, Milli Təhlükəsizlik və Müdafiə Şurasının katibi və ABŞ ilə danışıqlar üzrə Ukrayna nümayəndə heyətinin rəhbəri Rüstəm Umerovun Amerika tərəfi ilə əlaqələri olduğunu və Trampla görüş üçün razılıq əldə edildiyini qeyd edib.
"Rüstəm Umerov Amerika tərəfi ilə əlaqələri barədə məlumat verib. Bir gün də boşa sərf etmirik. Yaxın gələcəkdə ən yüksək səviyyədə - Trampla - görüş barədə razılığa gəlmişik. Yeni ildən əvvəl çox şey qərarlaşdırıla bilər. Ukraynaya eşq olsun!".
Bundan əvvəl UNIAN xəbər vermişdi ki, Ukrayna Prezidenti Volodimir Zelenskinin yaxın günlərdə ABŞ rəhbərliyi ilə görüş üçün Floridaya səfər etməsi gözlənilir.
Diplomatik mənbələrdən sızdırılan məlumata görə, səfər dekabrın 28-də baş tuta bilər. Zelenski Milad günündə ABŞ prezidentinin elçiləri Stiv Vitkov və Cared Kuşnerlə telefon danışığı aparıb. O, bəzi sənədlərin artıq hazırlandığını, digərlərinin isə "tamamilə hazır" olduğunu qeyd edib.
