“Qəbələ”nin futbolçusu mövsümün ikinci yarısında komandasını dəyişə bilər.
İdmanxeber.az-a verilən məlumata görə, söhbət Salman Ələsgərovdan gedir. Futbolçu uzun müddətdir zədədən əziyyət çəkir. O, cari mövsüm heç bir oyunda iştirak etməyib.
Ancaq Ələsgərov artıq hazır vəziyyətdədir. Ona Premyer Liqanın digər klubundan – “Karvan-Yevlax”dan maraq var. Baş məşqçi Füzuli Məmmədov futbolçunu komandasında görmək istəyir.
Əgər tərəflər razılığa gəlsə, oyunçu mövsümün ikinci yarısını Yevlax klubunda keçirə bilər.
