“Asus” öz kompüterləri üçün stabil tədarükü təmin etmək məqsədilə operativ yaddaş bazarına daxil ola bilər. Bildirilir ki, əgər operativ yaddaşın qiymətləri və tədarük müddətləri normallaşmasa, şirkət 2026-cı ilin ikinci rübünün sonuna qədər öz istehsal xəttini işə salmağı planlaşdırır.
“Asus” operativ yaddaş bazarına çıxmaq üçün lazımi imkanlara malikdir, lakin hətta PC bazarının ən iri oyunçularından biri üçün belə bu, “iri miqyaslı bir vəzifə” olacaq. İlk mərhələdə şirkət diqqətini öz məhsulları üçün tədarükün təmin edilməsinə yönəldəcək.
“Counterpoint Research”in proqnozuna görə, 2026-cı ilin ikinci rübünə qədər operativ yaddaşın qiymətləri 50% arta bilər. Çiplərə tələbatın artması süni intellekt üçün infrastrukturun qurulması ilə bağlıdır. İstehsalçılar güclərini daha müasir və gəlirli məhsullara yönəldirlər ki, bu da geniş yayılmış çiplərin çatışmazlığına səbəb olur.
