Rayonda əhalinin sosial rifahının yüksəldilməsi və infrastrukturun müasirləşdirilməsi məqsədilə bir sıra mühüm tədbirlər həyata keçirilir. Xüsusilə ərazilərdə əkin sahələrinin suvarılmasının yaxşılaşdırılması üçün su kanallarının təmizlənməsi və bərpası istiqamətində ardıcıl işlər görülür.
Masallı Rayon İcra Hakimiyyətinin təşəbbüsü ilə Masallı Su Meliorasiya Sistemlərinin İstismarı İdarəsi tərəfindən Həsənli və Təklə kəndləri ərazisindən keçən, 1.5 km məsafədə suötürücü kanal lildən təmizlənmişdir.
Layihənin əsas məqsədi əkin sahələrinin suvarma suyu ilə təmin olunması, eyni zamanda sel və daşqın sularının yaşayış məntəqələrinə və əkin sahələrinə ziyan vurmasının qarşısının alınmasıdır.
