Müasir cəmiyyətdə əlillərin inteqrasiyası əsas şərtlərdəndir. Çünki onlar fiziki qüsurlarına görə çox hallarda küskün olurlar. Özlərinə qapanırlar. Ona görə də 2026-cı ildə biz məhz bu işin üstündə işləyəcəyik. İndidən planlarımız var. Yaxşı olar ki, QHT Agentliyi bu işdə bizə kömək etsin. Çox istərdik ki, belə küskün vətəndaşlarımızı Azərbaycanın səfalı yerlərinə aparaq. Onlar yeni insanlarla tanış olsunlar. Əlaqələr qursunlar. Bir növü inteqrasiya etsinlər. Çox istərdik təşkilata səfər qrantı verilsın.
Bu fikirləri Azərbaycan Əlillər Cəmiyyəti İctimai Birliyinin sədri Xədicə Mikayılova QHT.az-a açıqlamasında bildirib. Onun sözlərinə görə, 2025-ci ildə əlillər üçün bir çox proqramlar işləndi. Onlar bunlardan yararlanırlar:
"Biz də təşkilat olaraq mütəmadi öz əlillərimizə keçirdiyimiz tədbirlərdə bu yenilikləri təbliğ edirik."
