ABŞ-ın Arkanzas ştatının sakini Milad gecəsi lotereyasında 1,82 milyard dollarlıq Powerball cekpotunu qazanıb.
Musavat.com Associated Press-ə istinadən xəbər verir ki, o, biletindəki altı rəqəmin hamısını düz uyğunlaşdırıb. Bu, ABŞ-da indiyə qədər qazanılan ikinci ən böyük lotereya cekpotu və Powerball üçün indiyə qədər qazanılan ən böyük cekpotdur. 2022-ci ilin noyabr ayında Kaliforniyada 2,04 milyard dollarlıq cekpot qazanılıb.
Qalib vergilər ödəndikdən sonra qalan mükafatı 29 illik hissə-hissə və ya birdəfəlik 834,9 milyon dollar məbələğində ödənişlə əldə edə bilər.
Qalibdən əlavə, səkkiz oyunçu beş ağ topun rəqəmlərini uyğunlaşdıraraq hər biri 1 milyon dollar qazanıb. Onlardan ikisi Nyu-Yorkdan, digərləri isə Kaliforniya, İndiana, Miçiqan, Ohayo, Pensilvaniya və Virciniyadan olub.
Powerball biletlərinin qiyməti 2 dollardır. Lotereyaya görə, cekpotu qazanmaq şansı 292,2 milyonda 1-dir.
