ain.az, Bizimyol saytına istinadən bildirir.
UUkraynanın İvano-Frankovsk bölgəsindəki Kosmaç kəndində Miladın 25 dekabr və ya 7 yanvar tarixi ilə bağlı münaqişə yaranıb. Bu, bayramın dekabrın sonunda qeyd olunduğunu iddia edən Ukrayna Pravoslav Kilsəsinin (UPK) icma üzvləri arasında baş verib.
Bizimyol.info xəbər verir ki, bu barədə “İctimai” nəşri məlumat yayıb.
Dekabrın 25-də Kosmaçdakı UPK-nın Müqəddəs Həvarilər Pyotr və Pavel Kilsəsinin bəzi icma üzvləri Milad mərasimində iştirak ediblər. Lakin Miladın 7 yanvarda qeyd olunmasında israr edən digər icma üzvləri girişi bağlayıblar.
Nəticədə ibadəti keçirmək mümkün olmayıb. Kilsə qarşısındakı qarşıdurma təxminən beş saat davam edib.
UPK 2024-cü ildən bəri Milad bayramını 25 dekabrda qeyd edir. Kosmaç da daxil olmaqla bir sıra kilsə icmaları ötən il bayramın 7 yanvarda qeyd olunmasına icazə vermişdi, lakin bu il artıq buna icazə verilmir.
2022-ci ilin noyabr ayında UPK ilk dəfə olaraq öz tərəfdarlarına Miladı 7 yanvar əvəzinə 25 dekabrda qeyd etməyə icazə verdi. 2023-cü ilin iyul ayında UPK-nın Yerli Şurası yeni təqvimə keçid qərarını təsdiqləyib və bu qərar, digər məsələlərlə yanaşı, Miladın 25 dekabra keçirilməsini nəzərdə tutur.
Öz növbəsində, Vladimir Zelenski bu bayramı 25 dekabra keçirmək barədə qanun imzalayıb və 7 yanvar dövlət bayramları siyahısından çıxarılıb. Bu tarix artıq Ukraynada Proqramçı Günü kimi qeyd olunacaq.
Kanonik Ukrayna Pravoslav Kilsəsi daha sonra Miladı 7 yanvarda qeyd etməyə davam edəcəyini açıqlayıb.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
