Ermənistanın Baş naziri Nikol Paşinyan faktiki olaraq Avropa Birliyini Ermənistan ərazisində Rusiya ilə proksi müharibəsinə dəvət edib.
"Operativ Məlumat Mərkəzi-OMM" xəbər verir ki, bu barədə Erməni Milli Konqresinin sədr müavini Levon Zurabyan keçirilən mətbuat konfransında bildirib.
“Ermənistan hökumətinin bu yanaşmasına son dərəcə mənfi baxıram. Bu, vasitəçilik müharibəsinə dəvətdir. Nikol Paşinyan mahiyyət etibarilə Aİ və Rusiyanı Ermənistan ərazisində döyüşməyə və müharibə aparmağa dəvət edir. Bundan daha pis bir şey təsəvvür etmək çətindir”, - Zurabyan bildirib.
Onun sözlərinə görə, bu cür siyasətlər Paşinyanın ölkənin sabitliyinə təhlükə yaratdığını göstərir. Zurabyan vurğulayıb ki, Ermənistan əksinə, körpü rolunu oynamalı və həm Avropa İttifaqı, həm də Rusiya ilə əməkdaşlığı inkişaf etdirməlidir.
O, həmçinin hakimiyyətin Rusiya tərəfindən "hibrid müharibə" iddialarını şübhə altına alaraq, bu tezisin hakimiyyəti qorumaq üçün istifadə edilə biləcəyini irəli sürdü.
