Əgər Kiyev bazar günü ABŞ lideri ilə danışıqlar zamanı Donbas ərazisinin güzəştə gedilməsi ilə bağlı qəti mövqe tutmasa, Volodimir Zelenski ABŞ prezidenti Donald Trampın Ukrayna münaqişəsinin həlli planını referenduma təqdim edəcək.
APA xəbər verir ki, bu barədə “Axios” portalı Zelenski ilə telefon danışıqlarının yekunlarına əsasən məlumat verib.
Məlumatda bildirilir ki, Zelenski bazar günü keçiriləcək görüşdə Trampla münaqişənin dayandırılmasına dair çərçivə sazişini razılaşdırmağa ümid edir.
“Zelenski həmçinin bu planı referenduma çıxarmağa hazır olduğunu bildirib. Zelenski əhəmiyyətli irəliləyiş əldə olunduğunu vurğulasa da, Trampın planı hələ də Ukraynadan şərqdə ağrılı ərazi güzəştləri tələb edir. Zelenski bu şərtləri yaxşılaşdırmağa ümidini davam etdirir və əgər ərazi məsələsində güclü mövqe tuta bilməsələr, Ukrayna xalqının razılığını almağa ehtiyac duyacağını deyib”, – portal yazır.
