"Fənərbaxça" braziliyalı ulduzu Taliskanın xidmətindən razıdır. Buna görə də İstanbul klubu 31 yaşlı futbolçunun daha 2 il komandanın şərəfini qorumağını istəyir. Metbuat.az xəbər verir ki, dünyanın bir çox nüfuzlu klubunda forma geyinən Taliska 1 il əvvəl İstanbula gəlib. O, ötən il "Fənərbaxça ilə 1,5 illik müqavilə imzalayıb. Taliskanın müqaviləsi mövsümün sonunda başa çatacaq. Türkiyə mediasının yazdığına görə, "Fənərbaxça" təcrübəli qolçu ilə yollarını ayırmaq istəmir. Taliskaya 2 illik müqavilə təklif olunacaq. Amma bu dəfə onun illik maaşı 10 deyil, 5 milyon avro olacaq. KİV braziliyalı futbolçunun bu təklifə müsbət yanaşdığını yazıb. Qeyd edək ki, Taliska "Fənərbaxça" forması ilə 25 rəsmi matça çıxıb. O, 14 dəfə rəqib qapıçıları məyus edib.
