“Gələn yaz Serbiya milli təhlükəsizliyi gücləndirmək üçün dron istehsalı zavodunu işə salacaq”.
Publika.az xəbər verir ki, bunu Serbiya Prezidenti Aleksandr Vuçiç Müdafiə Nazirliyi və Baş Qərargah kompleksinin təməlqoyma mərasimində bildirib.
Vuçiç qeyd edib ki, mart ayının sonuna və ya ən geci aprelin əvvəlinə qədər ölkədə ilk böyük dron istehsalı zavodunun açılışını gözləyir:
“Qürurla deyə bilərəm ki, bunlar yüksək texnologiyalı dronlar olacaq. İstehsal burada, Serbiyada təşkil olunacaq".
