"Trabzonspor" heyətini Türkiyə milli komandasının futbolçusu Oğuz Aydınla gücləndirmək istəyir.
Fanat.Az xəbər verir ki, "bordo-mavililər" "Fənərbağça"da kifayət qədər oyun şansı qazana bilməyən 25 yaşlı cinah oyunçusu üçün rəsmi icarə təklifi göndərib.
"Trabzonspor"un baş məşqçisi Fatih Tekkenin "Alanyaspor"dan tanıdığı keçmiş şagirdini komandada görməkdə israrlı olduğu vurğulanır.
Hazırda "Fənərbağça" rəhbərliyinin bu təklifə verəcəyi cavab gözlənilir.
