BAKI, 28 dekabr. TELEQRAF
Bu gün Birləşmiş Ərəb Əmirliklərinin Dubay şəhərində “Globe Soccer Awards”ın mükafatlandırma mərasimi keçirilib.
Teleqraf xəbər verir ki, mərasimdə müxtəlif nominasiyalarda ilin ən yaxşıları açıqlanıb.
2025-ci ilin ən yaxşı futbolçusu adına PSJ-nin hücumçusu Usman Dembele layiq görülüb. İlin ən yaxşı məşqçisi nominasiyasında Paris təmsilçisindən Luis Enrike qalib olub.
“Yaxın Şərqin ən yaxşı futbolçusu” mükafatı “Əl-Nəsr”in üzvü Kriştianu Ronalduya verilib. İlin ən yaxşı gənc futbolçusu adına PSJ-dən Dezire Due layiq görülüb.
Ən yaxşı hücumçu mükafatını “Barselona”dan Lamin Yamal alıb. İlin ən yaxşı yarımmüdafiəçisi mükafatı PSJ-dən Vitinyaya verilib.
Portuqaliya yığması ilin ən yaxşı milli komandası kimi tanınıb. Ən yaxşı agent Jorje Mendeş, ən yaxşı idman direktoru Luis Kampos (PSJ) olub. Ən yaxşı prezident mükafatı PSJ-dən Nasser Əl-Xelayfiyə təqdim edilib.
