QARABAĞ, 29 dekabr. TELEQRAF
Ağdamda baş verən yol qəzasında ər və arvad xəsarət alıb.
Teleqraf-ın Qarabağ bürosunun xəbərinə görə, Ağdam rayonunda yol-nəqliyyat hadisəsi baş verib.
Hadisə rayonun Bənövşələr qəsəbəsi ərazisində qeydə alınıb. Hərəkətdə olan “Toyota” markalı avtomobil “VAZ-2107” markalı avtomobillə toqquşub.
Qəza nəticəsində “VAZ” markalı avtomobilin sürücüsü və onun sərnişini olan həyat yoldaşı müxtəlif dərəcəli xəsarətlər alaraq Ağdam Rayon Mərkəzi Xəstəxanasına çatdırılıb.
Faktla bağlı araşdırma aparılır.
