Saziş 27 iyun 2025-ci ildə Minskdə imzalanıb və 367 mal yarımmövqeyi üzrə ticarətin liberallaşdırılmasını nəzərdə tutur. Bu mövqelər üzrə tərəflər gömrük rüsumlarını ya tamamilə ləğv edəcək, ya da azaldacaqlar.
Razılaşma İranla tətbiq edilmiş modelə əsaslanır: əvvəlcə məhdud əhatəli saziş imzalanır, daha sonra ticarətin tam liberallaşdırılmasını nəzərdə tutan genişmiqyaslı müqaviləyə keçid planlaşdırılır.
Güzəştlər Rusiya ilə Monqolustan arasında qarşılıqlı ticarətin 90 faizini təşkil edən 367 mal mövqeyini əhatə edir. Rusiya ixracının 89 faizi Monqolustana gömrük rüsumu olmadan göndəriləcək, qalan 1 faiz üzrə isə rüsumlar azaldılacaq.
Hesablamalara görə, gömrük rüsumlarına qənaət Rusiyaya 99,2 milyon dollar, Monqolustana isə 3,7 milyon dollar təşkil edəcək.
Rusiya Çindən sonra Monqolustanın ikinci ən böyük ticarət tərəfdaşı olaraq qalır.
Qeyd edək ki, Avrasiya İqtisadi İttifaqı 1 yanvar 2015-ci ildən fəaliyyət göstərən beynəlxalq inteqrasiya iqtisadi birliyidir. Birliyin üzvləri Rusiya, Ermənistan, Belarus, Qazaxıstan və Qırğızıstandır.
