Ajans.az xəbər verir ki,Melissa Carlton 26 dekabr tarixində Instagram hesabında paylaşım edərək bildirib ki, “Şirin qızımız Molli böyük bacısı Abi ilə yenidən bir araya gəldi”. O, bu sözlərlə ailənin böyük qızı Abiqailin 2024-cü ilin aprelində vəfat etdiyini də xatırladıb. Melissa qeyd edib ki, bu düşüncə onun üçün yeganə təsəlli mənbəyidir, çünki Molli bacısı Abi üçün çox darıxırdı. Xatırladaq ki, Abiqail sepsis xəstəliyi ilə mübarizədən sonra 9 yaşında həyatını itirmişdi. Ailə Mollinin yaşı və ölüm səbəbi ilə bağlı ilkin mərhələdə ətraflı məlumat verməyib. Bir neçə saat sonra Melissa sosial şəbəkədə əlavə açıqlama yayımlayıb. O bildirib ki, hələlik rəsmi tibbi diaqnoz olmadığı üçün detalları paylaşmaqda ehtiyatlıdır, lakin bəzi ilkin nəticələr mövcuddur. “Həkimlər Mollinin genetik ürək xəstəliyi ola biləcəyini düşünürlər və bunun Abi üçün də keçərli ola biləcəyindən şübhələnirlər”, – deyə Melissa Carlton paylaşımında qeyd edib.