"Rusiya işğalçı qüvvələri hazırda Donetsk bölgəsindəki Pokrovsk şəhərinin yalnız yarısına nəzarət edir, böyük itkilər verir və az uğur qazanır".
Moderator.az xəbər verir ki, "Fokus" nəşrinin yaydığı məlumata görə, bunu söyləyən Ukrayna Silahlı Qüvvələrinin Baş Komandanı Aleksandr Sırski bildirib ki, Pokrovsk kimi bir qalanı məhv etmək çətindir.
"Düşmən məqsədinə tam çatmayıb. Onlar şəhərin təxminən yarısına nəzarət edirlər. Lakin onlar şəhərə döyüşmədən daxil ola bilməzlər. Çünki ora bütün yanaşmalar bizim nəzarətimizdədir, dronlarımızın nəzarəti altındadır. Həmçinin orada müdafiə olunan qüvvə və vasitələrin, pilotsuz qüvvələrin, dron briqadaları və alaylarımızın əhəmiyyətli dərəcədə cəmləşdiyi ərazi var", - Sırski belə deyib.
O izah edib ki, ruslar hazırda bütün "KAB" zərbələrinin təxminən 50%-ni bu istiqamətdə istifadə edir, binaları, xüsusən də operatorların, uzaq mənzilli silahların və snayperlərin yerləşdirilə biləcəyi hündürmərtəbəli binaları məhv etməyə çalışırlar.
"Bütün bu çağırışlar: 'hər şey itirilib', 'çıxıb xilas etməliyik'- 'axmaqlıqdır'... Sual budur: hara geri çəkilməliyik? Açıq bir sahəyə çatmaq və sonra geri çəkilmək, növbəti şəhəri, bu yaşayış məntəqələrini axtaraq, onlar da yerlə bir ediləcək. Belə bir aqlomerasiyanı məhv etmək çətindir", - deyə Sırski qeyd edib.
Onun sözlərinə görə, Rusiya Silahlı Qüvvələri istədikləri sürətlə irəliləyə bilmir.
"Hazırda demək olar ki, düşmənin bütünirəliləməyə cəhdləri, - onlar hər gün Pokrovskda və ətraf ərazilərdə, Qrişino istiqamətində və Mirnoqrad ərazisində buna çalışırlar, - uğursuz olur. Böyük itkilər var, amma uğur yoxdur", - deyə Baş Komandan vurğulayıb.
Xatırladılır ki, 29 dekabrda Sırski Ukrayna ordusundakı Xüsusi Təyinatlı Qüvvələrin probleminin necə həll edilə biləcəyindən danışıb.
Elə həmin gün Sırski Ukrayna Silahlı Qüvvələrinin gələcəyi və müharibədən sonra Ukraynada səfərbərliyin saxlanılmasından da bəhs edib.
S.Laçın
