Afrika Millətlər Kubokunda qrup mərhələsi davam edir.
QOL.az xəbər verir ki, Mali yığması qrup mərhələsində heç bir qələbə qazanmadan pley-offa yüksəlib.
Komanda 3-cü turda Komor adaları ilə qarşılaşıb və bərabərliklə başa çatıb – 0:0. Bu nəticə Malinin qrupdan çıxması üçün kifayət edib.
Gərgin mübarizə şəraitində keçən oyunun sonlarına yaxın Mali yığması azlıqda qalıb. Belə ki, 88-ci dəqiqədə Amadu Aydara qırmızı vərəqə alıb. Buna baxmayaraq, “qartallar” lazım olan hesabı qoruyub saxlayaraq qrup mərhələsini 3 xalla (3 heç-heçə) başa vurublar.
