Oxu.az saytından alınan məlumatlara görə, ain.az xəbər verir.
Gəncədə avtoxuliqanlıq edən sürücü həbs olunub.
Oxu.Az-ın məlumatına görə, Gəncə Şəhər Baş Polis İdarəsinin əməkdaşları tərəfindən keçirilən profilaktik tədbirlər nəticəsində "Changan" markalı avtomobillə şəhər ərazisində avtoxuliqanlıq edən sürücü Ə.Rəhimov saxlanılıb.
Araşdırmalar zamanı sürücünün avtomobilinə əlavə səs siqnalı quraşdırdığı da müəyyən edilib.
Sürücü barəsində protokol tərtib olunaraq məhkəməyə göndərilib. Məhkəmənin qərarı ilə Ə.Rəhimov bir il müddətinə sürücülük hüququndan məhrum edilib və 30 sutka inzibati qaydada həbs olunub.
Bununla yanaşı, polis əməkdaşlarının keçirdikləri digər tədbirlər zamanı avtomobillərinə qanunsuz olaraq səs siqnalları quraşdıran bir neçə sürücü də müəyyən edilib. Həmin şəxslər barəsində də inzibati protokollar tərtib olunaraq məhkəməyə göndərilib.
Qeyd edək ki, il ərzində Gəncə şəhərində əhalinin haqlı narazılığına səbəb olan səs siqnallarından istifadə edən 34 sürücü müəyyən olunub və barələrində qanunamüvafiq tədbirlər görülüb.
Gəncə şəhərində yol hərəkəti təhlükəsizliyinin təmini məqsədilə profilaktik tədbirlər etdirilir.
Samir Əli
Hadisənin gedişatını izləmək üçün ain.az saytında ən son yeniliklərə baxın.
