PSJ-nin vingeri Xviça Kvaratsxeliya Gürcüstanda ilin ən yaxşı futbolçusu adına layiq görülüb.
QOL.az xəbər verir ki, Gürcüstan millisinin üzvü bu mükafatı karyerasında 5-ci dəfə qazanıb. Bununla da o, Gürcüstan futbolunun əfsanəsi Kaxa Kaladzenin rekordunu təkrarlayıb.
2025-ci il Kvaratsxeliya üçün son dərəcə uğurlu olub. Futbolçu PSJ ilə birlikdə 6 titul qazanıb. Paris klubu Fransa Liqa 1-ni, Fransa kubokunu və Superkuboku, həmçinin Çempionlar Liqasını, Avropa Superkubokunu və Qitələrarası Kuboku əldə edib.
Bundan əlavə, Xviça Kvaratsxeliya keçmiş klubu “Napoli” ilə İtaliya A Seriyasının da çempionu olub. Bu uğurlar gürcü futbolçunun il ərzində göstərdiyi yüksək səviyyəli oyunun göstəricisi kimi dəyərləndirilir.
