"Arsenal"ın heyətində ciddi itki baş verib.
Sportal.az xəbər verir ki, London təmsilçisinin aparıcı üzvlərindən olan Deklan Rays sıradan çıxıb. Bu barədə "The Athletic" nəşri məlumat yayıb.
İngiltərəli yarımmüdafiəçi Premyer Liqanın 18-ci turunun "Brayton"la matçında (2:1) dizindən zədələnib. 26 yaşlı futbolçu 19-cu turun "Aston Villa" ilə oyununda komandaya kömək edə bilməyəcək. Qarşılaşma bu gecə Bakı vaxtı ilə saat 00:15-də start götürəcək.
Qeyd edək ki, 18 turdan sonra 42 xal toplayan "Arsenal" çempionatın lideridir. 39 xalı olan "Aston Villa" isə 3-cü yerdədir.
saytlarin hazirlanmasi
