Türkiyənin Artvin əyalətinin Ardanuç rayonunda qar uçqunu baş verib.
"Unikal" xəbər verir ki, yaylada heyvandarlıqla məşğul olan üç çoban və onların sürüsünün bir hissəsi qar uçqunu altında qalıb.
Əraziyə dərhal axtarış-xilasetmə qüvvələri cəlb olunub. Bir çobanın meyiti tapılıb. Digər iki itkin düşmüş çobanın tapılması üçün səylər davam edir, bölgədəki şaxtalı hava və sərt hava şəraiti qrupların işinə mane olur.
