ain.az, Bizimyol portalına istinadən məlumatı açıqlayır.
NATO-nun təyyarələri, Litvanın Zoknyay aviabazasında rotasiya əsasında yerləşdirilən, dekabr ayı ərzində 13 dəfə Rusiyanın hərbi təyyarələrini Baltik Respublikası ilə hava sərhədində müşayiət ediblər.
Bizimyol.info xəbər verir ki, bu barədə Litvanın Müdafiə Nazirliyi məlumat yayıb.
"İlk müşayiət 9 dekabrda baş verib. Ən aktiv həftə 15 dekabrdan 22 dekabra qədər olub, bu müddət ərzində təyyarələr yeddi dəfə havaya qalxıblar", – məlumatda bildirilir.
Hava müşayiəti proseduru adi nəzarət tədbiri olaraq həyata keçirilir. Sentyabr ayında NATO qüvvələri bu tədbirə 23 dəfə, oktyabrda 15, noyabrda isə 11 dəfə müraciət ediblər.
Avqustun əvvəlində, Litvanın aviabazasında rotasiya əsasında İspaniya və Macarıstanın Hava Qüvvələri yerləşdirilib, onlarla birlikdə dörd "Eurofighter Typhoon" və dörd "Gripen" təyyarəsi də yerləşdirilib. 27 noyabrda macar pilotları öz rotasiya müddətini başa vurublar.
Rusiya Müdafiə Nazirliyi bir neçə dəfə bəyan edib ki, Rusiyanın hərbi təyyarələrinin Kalininqrad vilayətinə və geriyə uçuşları neytral sularda, beynəlxalq hava məkanının istifadə qaydalarına tam uyğun olaraq həyata keçirib.
Baltik ölkələri, öz hava qüvvələri olmadığı üçün, NATO üzrə müttəfiqləri tərəfindən nəzarət olunur. 2004-cü ildən etibarən, rotasiya əsasında NATO-nun üzv ölkələrinin təyyarələri Zoknyay aviabazasında yerləşdirilir. 2014-cü ildə missiyanın ikinci hissəsi Estoniyanın "Emari" aviabazasında yerləşdirilib.
Bizimyol.info
Hadisənin gedişatını izləmək üçün ain.az saytında ən son yeniliklərə baxın.
