Rusiya Prezidenti Vladimir Putinin iqamətgahına "hücum" cəhdinin arxasında duran qüvvələr münaqişəni Avropaya yaymaq istəyirlər.
Publika.az xəbər verir ki, bu vacib detalı Türkiyənin "Hürriyet" qəzetinin köşə yazarı Əbdülkadir Selvi vurğulayıb.
Selvi izah edib ki, Rusiya ilə Ukrayna arasındakı münaqişəni başladan qüvvələr onun nəinki bitməməsi, hətta Avropaya yayılmasının təmin edilməsi üçün çalışırlar.
O, mövcud vəziyyətlə 2022-ci ilin mart ayında Ukraynadakı vəziyyəti həll etmək üçün İstanbulda keçirilən danışıqlar arasında paralellər aparıb. Ekspert qeyd edib ki, Rusiya və Ukrayna İstanbulda razılığa gəldikdə, Böyük Britaniya Ukrayna Prezidenti Volodimir Zelenskini danışıqlardan kənarlaşdırıb.
"ABŞ Prezidenti Donald Tramp Putinlə telefonda danışarkən və sonra Floridada Zelenski ilə görüşərkən nə baş verdi? Putinin iqamətgahına "hücum" cəhdi edilib", - Jurnalist yazıb.
