Tənhalıq sağlamlığa ciddi zərbə vurur – ÜST

Ümumdünya Səhiyyə Təşkilatının (ÜST) məlumatına görə, tənhalıq insan sağlamlığı üçün ciddi risklər yaradır.

Adalet.az xəbər verir ki, tənhalıq ürək-damar xəstəlikləri, diabet, depressiya və narahatlıq hallarının artması ilə birbaşa əlaqəlidir.

Böyük Britaniyada aparılan son araşdırma isə problemin iqtisadi tərəfini də ortaya qoyub. “PLOS One” jurnalında dərc edilən tədqiqata əsasən, tez-tez tənhalıq hissi keçirən şəxslər sosial cəhətdən aktiv insanlarla müqayisədə Ä°ngiltərənin Milli Səhiyyə Xidmətinə ildə orta hesabla 1024 avro daha çox xərc yaradır.

Araşdırma göstərib ki, tənhalıq psixi gərginlik, zəif psixi və fiziki sağlamlıq, eləcə də həyat keyfiyyətinin aşağı düşməsi ilə sıx bağlıdır. Eyni zamanda tənha insanlar xəstəxanalara daha tez-tez müraciət edirlər.