Qabon hökuməti milli komandanın Afrika Millətlər Kubokundakı çıxışını "biabırçı uğursuzluq" kimi qiymətləndirərək kəskin addımlar atıb.
Fanat.Az xəbər verir ki, hökumət bu uğursuzluqdan sonra milli komandanın fəaliyyətini qeyri-müəyyən müddətə dondurmaq qərarına gəlib.
Alınan rəsmi qərara əsasən, bütün texniki heyətin müqaviləsi ləğv edilib və komandanın oyun keçirməsi qadağan olunub. Həmçinin, ulduz futbolçu Pyer-Emerik Obameyanq və kapitan Bruno Manqa heyətdən kənarlaşdırılıblar.
İkinci bir əmrə qədər milli komandanın fəaliyyəti dayandırılmış vəziyyətdə qalacaq.
Kamil Xudiyev
