Venesuelanın Baş prokuroru Tarek Uilyam Saab beynəlxalq ictimaiyyəti Prezident Nikolas Maduronun oğurlanmasını və mülki şəxslərin ölümünə səbəb olan, ABŞ tərəfindən təşkil olunan hava hücumlarını qınamağa çağırıb.
Bakıvaxtı.az xəbər verir ki, o bu barədə VTV-də bildirib.
Saab qeyd edib: "BMT-dən və beynəlxalq insan haqları təşkilatlarından günahsız insanların ölümünə səbəb olan və Prezident Maduronun qaçırılması ilə nəticələnən bu qorxaq hücumları qınamalarını xahiş edirəm".
O, həmçinin Venesuela vətəndaşlarını küçələrə çıxıb ABŞ-dən "Maduronun sağ olduğunu ən qısa zamanda göstərilməsini" və onu azad etməsini tələb etməyə çağırıb.
Aynur Babazadə
