"Vaşinqtonun Karakasa qarşı əməliyyatından sonra Venesueladan Çinə neft tədarükü davam edəcəyi üçün ABŞ və Çin arasında münasibətlərdə hər hansı bir problem gözləmirəm".
Bakıvaxtı.az xəbər verir ki, bu barədə Amerika Prezidenti Donald Tramp "Fox News"a bildirib.
Vaşinqton və Pekin arasında mümkün çətinliklər barədə suala cavab olaraq Amerika administrasiyasının rəhbəri belə cavab verib: "Mən bu barədə heç nə bilmirəm, amma Çin prezidenti Si Cinpinlə çox yaxşı münasibətlərim var və heç bir problem olmayacaq. Onlar öz neftlərini alacaqlar".
Tramp Venesueladan digər ölkələrə neftin tədarükünə də toxunub: "Biz insanların öz neftlərini almasına icazə verəcəyik".
