Bizimyol portalından alınan məlumata görə, ain.az xəbər verir.
Venesuela Prezidenti Nikolas Maduro və həyat yoldaşı hal-hazırda Nyu-Yorka doğru yola düşən "USS Iwo Jima" gəmisindədirlər.
Bizimyol.info xəbər verir ki, bu barədə ABŞ Prezidenti Donald Trump "Fox News" kanalına verdiyi müsahibədə məlumat verib.
Trumpın sözlərinə görə, vertolyotlar gəlib və onlar vertolyotla səyahət ediblər. "Yaxşı bir səyahət olub – əminəm ki, çox zövq alıblar", – deyə ABŞ Prezidenti Maduro və həyat yoldaşının gəmidə olduqlarını qeyd edib.
Trump, həmçinin sosial media hesabında Maduro və həyat yoldaşının gəmidə çəkilmiş şəkilini paylaşıb. O, bildirib ki, ABŞ hökuməti Maduroyun tutulması üçün ciddi hazırlıq görüb və hətta onun evinin dəqiq bir nüsxəsi hazırlanıb. Əməliyyat daha əvvələ planlaşdırılıb, amma hava şəraitinə görə təxirə salınıb.
"The New York Times"ın məlumatına görə, ABŞ-ın Mərkəzi Kəşfiyyat İdarəsi (MKİ) Venesuela hökuməti daxilində bir agentə sahib idi və bu agent vasitəsilə Maduroyun harada olduğu dəqiq şəkildə izlənilib. Bundan əlavə, Maduro Venesueladakı vəziyyəti izləyən gizli dronlardan ibarət böyük bir eskadrilya tərəfindən daim izlənilib.
CNN-in məlumatlarına görə, Maduro və həyat yoldaşı gecə saatlarında yataq otağından qaçırılıblar. Adı açıqlanmayan bir ABŞ rəsmisi bildirib ki, əməliyyat ABŞ-ın elit Delta Qüvvələri tərəfindən həyata keçirilib və əməliyyat zamanı heç bir itki verilməyib.
"ABC News" isə əlavə edib ki, Maduro əvvəlcə Kubadakı Quantanamo hərbi bazasına aparılacaq, oradan isə FTB-nin təyyarəsi ilə Nyu-Yorka göndəriləcək.
Donald Tramp əvvəllər bildirmişdi ki, Maduro tutulduqdan sonra ABŞ, Venesueladakı siyasi dəyişikliklərdə fəal iştirak edəcək. O, əlavə edib ki, Vaşinqton bir daha Venesuelada Maduro kimi bir şəxsin hakimiyyətə gəlməsinə icazə verə bilməz.
Tramp, həmçinin Maduroyun ələ keçirilməsi əməliyyatını da yüksək qiymətləndirib. O, ABŞ xüsusi təyinatlı qüvvələrinin əməliyyatı çox peşəkarcasına həyata keçirdiyini vurğulayıb. Həmçinin, Tramp bildirib ki, ordu əməliyyatın "ikinci dalğası"na hazır olsa da, birinci mərhələnin uğuru nəticəsinə görə bu mərhələ artıq həyata keçirilməyib.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
