Times: "Xamenei də Moskvaya qaçacaq"

Britaniyanın "The Times" qəzeti müvafiq kəşfiyyat hesabatına istinadənyazırki, İranın təhlükəsizlik qüvvələri etirazçıların tərəfini saxlayıb onları dəstəkləyərsə, Əli Xamenei 20 nəfərlə (ailə üzvləri və köməkçiləri) birlikdə Tehrandan çıxmağa hazırlaşır. Planda rəhbərin oğlu və varisi Müctəba Xameneinin də xüsusi surətdə təhlükəsiz yerə köçürülməsi nəzərdə tutulur.

(İsrailin keçmiş kəşfiyyat zabiti Beni Sabti)

İsrailin keçmiş kəşfiyyat zabiti Beni Sabti qəzetə açıqlamasında söyləyib ki,Əli Xamanei yalnız Rusiyanın paytaxtı Moskva şəhərinə qaça bilər,çünki onun gedə biləcəyi başqa yer yoxdur:

"2025-ci ilin iyun ayında İsraillə 12 günlük müharibə nəticəsində ali rəhbərin nüfuzu çox zəifləyib.O, uzun müddətdir ki, ictimaiyyət qarşısına çıxmır,həmçinin son günlər baş verən aksiyalara dair hər hansı çıxış həyata keçirmir".

Tramp:“İrandakı etirazçılara köməyə hazırıq”

Əli Xamenei, həqiqətən də, ölkədəki vəziyyətdən yaxasını qurtarıb Moskvaya qaçarsa, 2024-cü ilin dekabrında müxalif qüvvələrin devirdiyi sabiqSuriya prezidenti Bəşər Əsədlə oxşar aqibəti bölüşəcək.Xatırladaq ki, Bəşər Əsəd də məhz Rusiyaya qaçıb. Onun hazırda Moskvanın qərbində - bahalı və dəbdəbəli mülkləri ilə tanınanRublyovka massivində yaşadığıdeyilir. Maraqlıdır ki, rəsmi Moskva bu iddianınə danır, nə də təsdiqləyir.2025-ci ilin sentyabrında Suriya məhkəməsi ona qarşı qətl, işgəncə və qanunsuz həbs ittihamları ilə qiyabi həbs hökmü çıxarıb.

Firudin Həmidli
AzVision.az