ABŞ-li respublikaçı senator Lindsi Qrem ölkəsinin Venesuelaya hərbi müdaxiləsindən sonra Kuba ilə bağlı da “günləri sayılıdır” mesajını verib.
ABŞ Prezidenti Donald Trampla birlikdə səfərdə olan Qrem təyyarədə jurnalistlərə ABŞ-nin Venesuelaya müdaxiləsi ilə bağlı açıqlamalar verib.
Qrem “Kuba üçün sadəcə gözləmək kifayətdir. Kuba rahib və rahibələri öldürən kommunist diktaturadır”, – deyə bildirib.
Kuba hökumətinin öz xalqını “qurban verdiyini” iddia edən Qrem, “Günləri sayılıdır. Bir gün oyanacağıq və ümid edirəm ki, bu 2026-cı ildə olacaq, arxa həyətimizdə ABŞ vətəndaşlarını öldürən terrorçular və diktatorlar deyil, ABŞ ilə əməkdaşlıq edən müttəfiqlərimiz olacaq”, – deyə qeyd edib.
