SALYAN, 5 yanvar. TELEQRAF
Salyan rayonunda ağır yol-nəqliyyat hadisəsi baş verib.
Teleqraf-ın Cənub bürosu xəbər verir ki, hadisə Salyan–Noxudlu avtomobil yolu üzərində qeydə alınıb.
İlkin məlumata görə, iki “Mercedes” markalı avtomobilin toqquşması nəticəsində bir nəfər ölüb, daha iki nəfər isə müxtəlif dərəcəli bədən xəsarətləri alıb.
Yaralılar Salyan Mərkəzi Rayon Xəstəxanasına çatdırılıb. Xəsarət alan şəxslərin vəziyyətinin ağır olduğu bildirilir.
Faktla bağlı araşdırma aparılır.
