Kapellodan VAR sistemi ilə bağlı inqilabi təklif

İtaliyanın futbol əfsanəsi Fabio Kapello VAR sistemi ilə bağlı təklif irəli sürüb. Metbuat.az xəbər verir ki, o, hakimlərin hazırkı fəaliyyətini sərt şəkildə tənqid edib. Kapello keçmiş oyunçuların nəzarət otağında olmasını təklifedib. İtalyan məşqçi hesab edir ki, azı bir keçmiş futbolçunun nəzarət otağına daxil edilməsi VAR sisteminin təkmilləşdirilməsində böyük fərq yaradacaq. Kapello təmas və qayda pozuntusunun fərqi barədə fikirlər irəli sürüb.

O, "Hakimlər mafiya kimidir. Onlar keçmiş oyunçuların VAR otağında olmasını istəmirlər. Onlar oyunçuların özlərini qorumaq və ya üstünlük qazanmaq üçün etdikləri hərəkətləri bilən insanları istəmirlər. Çünki əksər vaxt, özləri futbol oynamadıqları üçün, bu hərəkətləri bilmirlər və səhv qərarlar verirlər. Bir oyunçunun üzünə toxunulduqda, o, özünü yerə atır və hakim dərhal fit çalır. Boyum 1.90 metrdir, qarşımdakı oyunçu 1.75 metrdirsə, qolum artıq üz səviyyəsindədir. Niyə fit çalırsan?”, - deyə bildirib.

Kapellodan VAR sistemi ilə bağlı inqilabi təklif

Hesaba daxil ol

Qeydiyyatdan keç

Şifrəni bərpa et