2026-cı il üzrə dövlət büdcəsinin xərcləri 41 milyard 703,6 milyon manat proqnozlaşdırılır ki, bu da 2025-ci ilin təsdiq olunmuş dövlət büdcəsi xərcləri ilə müqayisədə 296 milyon manat və yaxud 0,7 faiz çoxdur. Dövlət büdcəsi xərclərinin ÜDM-də xüsusi çəkisi 31,1 faiz olacaq.
Bu barədə Marja.az-a Maliyyə Nazirliyindən bildirilib.
Cari xərclərin məbləği – 25 milyard 201,6 milyon manat
Cari xərclər hər il təkrarlanan xərclərdir. Misal üçün: əmək haqqı xərcləri və əmək haqqının ödənilməsi ilə bağlı hesablanan ayırmalar, pensiya və başqa sosial müavinətlər və ödə-nişlər, təşkilatın fəaliyyətinin təmin edilməsi üçün kommunal xidmət xərclərinin ödənilmə-si, malların satın alınması və digər xərclər
Əsaslı xərclər – 14 milyard 44,4 milyon manat
Əsaslı xərclər xüsusi müdafiə təyinatlı layihələr və tədbirlər, işğaldan azad olunmuş ərazilərin yenidənqurulması və bərpası, dövlət əsaslı vəsait qoyuluşu (investisiya) və digər tikinti, bərpa, yenidənqurma, əsaslı təmir və müxtəlif əsaslı alışların həyata keçirilməsi ilə bağlı xərcləri əhatə edir
Dövlət borcuna xidmətlə bağlı xərclər -2 milyard 457,6 milyon manat
2026-cı il dövlət büdcəsinin xərcləri iqtisadi təsnifat üzrə aşağıdakı istiqamətləri əhatə edir:
Əməyin ödənişi xərcləri – 10 milyard 247,3 milyon manat;
Malların (işlərin və xidmətlərin) satın alınması – 7 milyard 75,8 milyon manat;
Faizlər üzrə ödənişlər – 1 milyard 380,6 milyon manat;
Subsidiyaların ödənilməsi – 1 milyard 71,4 milyon manat;
Qrantlar və digər ödənişlər – 3 milyard 308,1 milyon manat;
Sosial ödənişlər – 3 milyard 436,9 milyon manat;
Qeyri-maliyyə aktivlərinin alınması – 13 milyard 861,4 milyon manat;
Maliyyə aktivləri üzrə əməliyyatlar – 183 milyon manat;
Öhdəliklər üzrə əməliyyatlar – 1 milyard 77 milyon manat;
Dövlət icbari şəxsi sığorta xərcləri – 62,1 milyon manat.
