Braziliyanın BMT-dəki daimi nümayəndəsi Venesuelanın gələcəyinin xalq tərəfindən müəyyən edilməsinin vacibliyini vurğulayıb...
Poliqon xəbər verir ki, Braziliyanın Birləşmiş Millətlər Təşkilatı yanında daimi nümayəndəsi Serco Fransə Daneze ABŞ-nin Venesuelaya protektorat qurmasının regionda sabitlik və təhlükəsizlik problemlərini həll etməyəcəyini bildirib.
Daneze vurğulayıb ki, Venesuelada problemlərin həlli üçün xarici protektorat yaratmaq düzgün yol deyil. Onun sözlərinə görə, Venesuela xalqının öz taleyini müəyyən etmək hüququ qorunmalıdır. Diplomatik nümayəndə BMT Təhlükəsizlik Şurasını Bolivar Respublikasına qarşı hər hansı qanunsuz hərbi əməliyyatların qarşısını almağa çağırıb.
Braziliyanın nümayəndəsi əlavə edib ki, Təhlükəsizlik Şurası beynəlxalq hüququ qorumaqda qətiyyət göstərməli və güc tətbiqi ilə hüququ əvəzləməyə imkan verməməlidir. Daneze bildirib ki, Venesuelanın gələcəyi yalnız dialoq yolu ilə və xarici müdaxilə olmadan müəyyən edilməlidir.
Diplomatın fikrincə, regionda sülh və sabitliyin təmin edilməsi üçün beynəlxalq ictimaiyyətin məsuliyyətli mövqe nümayiş etdirməsi vacibdir və bütün addımlar BMT-nin normativ prinsiplərinə uyğun olmalıdır.
Poliqon.info
