Kamboca Tayland ərazisinə səhvən atəş açıb və hadisədən dərhal sonra Tayland tərəfi ilə əlaqə saxlayıb.
AFN.az xarici mediaya istinadən xəbər verir ki, bu barədə Tayland Kral Ordusu məlumat yayıb.
"Araşdırma nəticəsində məlum olub ki, mərmi Kambocadan atılan minaatan mərmisidir və nəticədə bir Tayland əsgəri yüngül qəlpə yaraları alıb. Daha sonra Kamboca tərəfi ərazidəki bölmələrlə əlaqə saxlayaraq Tayland ərazisinə atəş açmaq niyyətində olmadığını, hadisənin səhv olduğunu bildiriblər.
Bölgədəki Tayland hərbi bölmələri Kambocaya ehtiyatlı olmağı xəbərdar edib və oxşar hadisələr baş verərsə, Taylandın özünümüdafiə məqsədilə qisas almaq məcburiyyətində qala biləcəyini vurğulayıblar", - deyə bəyanatda bildirilib.
Tayland Silahlı Qüvvələri Kambocanın 6 dekabrda Ubon Ratçatani əyalətindəki Tayland qoşun mövqelərinə minaatanlardan atəş açaraq sərhəd münaqişəsində atəşkəsi pozduğunu bildirib.
Kamboca və Tayland iki ölkənin Baş Sərhəd Komitəsinin üçüncü xüsusi iclasından sonra 27 dekabrda qüvvəyə minən atəşkəs barədə razılığa gəliblər.
