Bakı, 6 yanvar, AZƏRTAC
SOCAR-ın Bakı Ali Neft Məktəbi (BANM) bu ilin əvvəlindən Qarabağ Universitetində bir sıra layihələrə başlayacaq. Bu məqsədlə SOCAR Qarabağ Universiteti ilə müqavilə bağlayıb.
Bu barədə AZƏRTAC-a BANM-dən məlumat verilib. Bildirilib ki, SOCAR ilə Qarabağ Universiteti arasında əməkdaşlıq və inkişaf haqqında imzalanan sənədə əsasən Qarabağda, işğaldan azad edilmiş ərazilərimizdə qarşıdakı illərdə praktik layihələrin həyata keçirilməsi planlaşdırılır.
