Olaylar.az xəbər verir ki, "Reuters"-in məlumatına görə, Prezident Volodimir Zelenski ilə yanaşı, sammitə 27-dən çox lider və ABŞ-nin xüsusi nümayəndələri Stiv Vitkoff ilə Cared Kuşner də qatılıb.
Diplomatlar indiyədək dumanlı qalan hərbi vədləri rəsmiləşdirmək və atəşkəs halında çoxmillətli qüvvələrin tərkibini müəyyən etmək niyyətindədir.
Məqsəd Ukrayna, Avropa və ABŞ-nin Rusiya qarşısında vahid mövqeyini formalaşdırmaqdır.
Əgər Moskva mənalı danışıqlardan imtina edərsə, Rusiyaya qarşı təzyiqlərin artırılması və Ukraynaya dəstəyin gücləndirilməsi planlaşdırılır.
Koalisiya tərəfindən zəmanətlərin möhkəmləndirilməsi ABŞ-nin ikitərəfli danışıqlarda qeyd olunan öhdəliklərini də sabitləşdirməyə kömək edəcək.
Fransa tərəfi artıq təhlükəsizlik zəmanətlərinin əməliyyat detalları üzrə razılığın əldə olunduğunu bildirib.
