BAKI, 6 yanvar. TELEQRAF
“Azərbaycan Respublikasının Torpaq Məcəlləsində dəyişiklik edilməsi haqqında” 2024-cü il 28 iyun tarixli qanunun icrası ilə əlaqədar bir sıra qanunvericilik aktlarında dəyişiklik edilib.
Teleqraf xəbər verir ki, Prezident İlham Əliyev bununla bağlı Qanun imzalayıb.
Qanuna əsasən, Şəhərsalma və Tikinti Məcəlləsinin 79-cu maddəsində dəyişikliklər aparılıb. Belə ki, kənd təsərrüfatı təyinatlı torpaqlarda tikilən obyektlər istisna olmaqla, quyular, tikililər və istixanalarla bağlı bir sıra məhdudiyyətlər dəqiqləşdirilib, bəzi anlayışlar maddədən çıxarılıb.
Eyni zamanda, “Torpaqların münbitliyi haqqında” Qanunun 14-cü və 17-ci maddələrinin birinci hissələrindən, həmçinin 20-ci maddəsinin ikinci hissəsindən “(uqodiyalarının)” sözü çıxarılıb.
