"Venesuelanın gələcəyini ABŞ rəhbərliyi yox, xalqı müəyyən etməlidir".
Qaziler.az xəbər verir ki, bu fikirləri BMT-nin İnsan Hüquqları üzrə Ali Komissarı Volker Türk sosial media platforması “X”də bildirib.
O, Vaşinqtonun hərbi əməliyyatını pisləyərək bildirib ki, bu hərəkət beynəlxalq hüququn fundamental prinsipini pozur.
“Venesuela cəmiyyətinin sağalmasına ehtiyacı var və ölkənin gələcəyini xalqı müəyyən etməlidir”, - Türk yazıb.
Rəsmi şəxs həmçinin vurğulayıb ki, dövlətlərin ərazi və ya siyasi məqsədlərə çatmaq üçün güc tətbiq etməsini qadağan edən prinsip beynəlxalq hüquqda əsas prinsipdir.
QAZİLER.AZ
