Müəyyən qüvvələr Erməni Kilsəsindən dövlətə qarşı alət kimi istifadə etməyə cəhd göstərir.
APA Ermənistan mediasına istinadən xəbər verir ki, bu fikirləri Ermənistanın Baş naziri Nikol Paşinyan Erməni Kilsəsinin yenilənməsi şüarı altında keçirilən kütləvi yürüşün yekununda çıxışı zamanı bəyan edib.
Baş nazir bildirib ki, bəzi qüvvələr Erməni Kilsəsini Ermənistan Respublikasına qarşı yönəlmiş addımlar üçün dayaq nöqtəsinə çevirməyə çalışırlar.
“Bizim doğma kilsəmizi, müqəddəs dəyərimizi dövlətimizə qarşı istifadə etmək istəyirlər. Mən, Ermənistanın Baş naziri olaraq bəyan edirəm ki, buna imkan verməyəcəyik”, – Paşinyan vurğulayıb.
Paşinyan hökumətin kilsəyə qarşı fəaliyyət göstərməsi ilə bağlı ittihamları rədd edib: “Hökumət kilsəyə qarşı hərəkət etməyib, etmir və heç vaxt edə bilməz. Çünki hökumət Müqəddəs Erməni Apostol Kilsəsinin davamçısıdır”.
