İngiltərə Premyer Liqasının təmsilçisi "Kristal Pelas" qış transfer pəncərəsi dövründə heyətini gücləndirmək üçün genişmiqyaslı fəaliyyətə başlayıb.
Fanat.Az xəbər verir ki, London klubunun yanvar ayı üçün transfer hədəfləri artıq tam müəyyənləşdirilib.
"Qartallar" müdafiə, yarımmüdafiə və hücum xətlərinə yeni simalar qatmağı planlaşdırır. Siyahıda ilk növbədə Almaniyanın "Bayern Münhen" klubunda çıxış edən Saşa Boeyin adı yer alır. Bundan əlavə, klub rəhbərliyi "Vulverhempton"un mərkəz yarımmüdafiəçisi Joao Qomes və Fransanın "Oser" klubunun istedadlı oyunçusu Kevin Danuani heyətə qatmağı hədəfləyir.
Danışıqların yaxın günlərdə başlanması gözlənilir.
