Avropa İttifaqı (Aİ) üzvü olan Sloveniya Respublikasında parlament seçkilərinin 22 mart bazar günü keçiriləcəyi açıqlanıb.
Sloveniya Prezidenti Nataşa Pirc Musar ölkədə hər 4 ildən bir keçirilən parlament seçkilərinin 22 mart bazar gününə təyin edilməsi ilə bağlı fərman imzalayıb.
Musar xaricdən gələ biləcək dezinformasiya və manipulyasiyalara qarşı ayıq-sayıq olacaqlarını bildirərək, seçki kampaniyası dövründə dialoqa çağırış edib.
Bu arada, Sloveniya üzrə keçiriləcək seçkilərlə ölkə parlamentinin 90 yeni üzvü müəyyənləşəcək. Bu üzvlərdən 88-i slovenlərdən, 1-i italyanlardan, 1-i isə macar icmasından olacaq.
Sloveniyada son parlament seçkiləri 24 aprel 2022-ci il tarixində keçirilib və hazırkı Baş nazir Robert Qolobun rəhbərlik etdiyi Azadlıq Hərəkatı Partiyası seçkiləri lider olaraq başa vurub.
