WP: ABŞ Venesuelanın neft sektorunda islahatları ultimatum dili ilə irəli sürür...
ABŞ hakimiyyəti Venesueladan neft hasilatı ilə bağlı qanunvericiliyi Vaşinqtonun maraqlarına uyğun şəkildə yenidən yazmağı ultimativ qaydada tələb edir.
Poliqon xəbər verir ki, bu barədə The Washington Post qəzetinin köşə yazarı İqneyşes yazıb.
Məqalədə vurğulanır ki, Venesuelanın neft sənayesinin modernləşdirilməsi prosesi son dərəcə uzunmüddətli və baha başa gələcək. İnfrastrukturun köhnəlməsi, illərdir davam edən investisiya çatışmazlığı və sanksiyaların yaratdığı institusional problemlər bu sahədə ciddi maneələr kimi göstərilir.
İqneyşesin fikrincə, mövcud şəraitdə ABŞ-nin aparıcı neft şirkətlərinin böyük bir hissəsi Venesuelada fəaliyyətə başlamaq və ya oradakı layihələrdə riskləri üzərinə götürmək istəməyəcək. Məqalədə qeyd olunur ki, siyasi qeyri-müəyyənlik, hüquqi mühitin sabit olmaması və mümkün reputasiya riskləri Amerika biznesi üçün əsas çəkindirici amillərdir.
Analitiklər hesab edirlər ki, Vaşinqtonun Karakasa təzyiq göstərərək qanunvericiliyi dəyişdirmək cəhdi Venesuelanın enerji sektorunu xarici kapital üçün açmaq məqsədi daşıyır. Lakin eyni zamanda bu yanaşmanın ölkə daxilində suverenlik və milli maraqlar mövzusunda yeni gərginliklər yaradacağı da istisna edilmir.
Poliqon.info
