ABŞ rəsmiləri Karakasdakı əməliyyatdan əvvəl bir neçə ay Venesuelanın vitse-prezidenti Delsi Rodriges və parlamentin spikeri Xorxe Rodrigeslə danışıqlar aparıb.
"Yeni Sabah" CNN-ə istinadla xəbər verir ki, Rodrigeslə danışıqlar Venesuela rəhbərliyini davranışını dəyişməyə təşviq etmək məqsədi daşıyıb və prezident Nikolas Maduronun devrilməsinə yardım etməyi nəzərdə tutmayıb.
ABŞ dövlət katibi Marko Rubio brifinq zamanı Konqresdə bildirib ki, Birləşmiş Ştatlar Rodrigesə Madurodan daha praqmatik, Vaşinqtonun işləyə biləcəyi biri kimi baxır.
Vaşinqtona görə, müxalifət lideri Maria Korina Maçadodan fərqli olaraq, Rodriges Venesuelanın təhlükəsizlik qüvvələrinə nəzarət edə biləcək.
Bundan əlavə, Rodriguez həm də Venesuelanın neft naziridir və Ağ Ev ondan ölkənin neft infrastrukturunun bərpasında və gələcəkdə Amerika şirkətlərinin orada fəaliyyət göstərməsinə icazə verilməsində əməkdaşlıq edəcəyini gözləyir.
Hələlik Rodrigeslə rəsmi razılaşma yoxdur.
Telegram kanalımız
