ain.az, Azpolitika.az portalından verilən məlumatlara əsaslanaraq xəbər verir.
ABŞ administrasiyasının Venesuelanın Daxili İşlər Naziri Diosdado Kabelloya açıq xəbərdarlıq göndərdiyi iddia olunur.
Məlumata görə, Vaşinqton Kabelloya, müvəqqəti dövlət başçısı Delcy Rodríquez ilə əməkdaşlıq etmədiyi təqdirdə ABŞ-ın “hədəf siyahısında” yuxarı sıralara çəkilə biləcəyi mesajını çatdırıb.
Məsələyə yaxın mənbələr bildirir ki, ABŞ Madurodan sonrakı keçid dövründə ölkədə sabitliyin təmin olunmasını Kabellonun mövqeyi ilə birbaşa əlaqələndirir. Təhlükəsizlik qüvvələrinə nəzarət edən və insan haqları pozuntularında ittiham olunan Kabello, Vaşinqtonun müvəqqəti olaraq dözməyə hazır olduğu azsaylı Maduro tərəfdarlarından biri kimi qiymətləndirilir.
Bununla yanaşı, ABŞ rəsmiləri Kabellonun keçmişi və Rodríquezlə rəqabətinin prosesi poza biləcəyindən narahatdır. Bu səbəbdən Vaşinqtonun bir tərəfdən əməkdaşlığa məcbur etməyə çalışdığı, digər tərəfdən isə Kabellonu zamanla hakimiyyətdən uzaqlaşdırmaq və sürgünə göndərmək variantlarını nəzərdən keçirdiyi bildirilir.
Mənbələrə görə, Kabelloya vasitəçilər üzərindən açıq xəbərdarlıq edilib: əməkdaşlıq etmədiyi halda, “narko-terrorçuluq” ittihamı ilə ABŞ əməliyyatı nəticəsində Nyu-Yorka aparılan Nikolas Maduroya bənzər aqibətlə üzləşə və ya həyatının təhlükə altına düşə biləcəyi vurğulanıb. Bununla belə, Kabellonun birbaşa hədəf alınmasının hökumətyönlü silahlı qrupların küçələrə çıxmasına və xaosa yol aça biləcəyi də qeyd olunur.
Məlumatda Venesuelanın müdafiə naziri Vladimir Padrinonun da potensial hədəflər arasında olduğu bildirilir. ABŞ rəsmiləri Padrinonun silahlı qüvvələr üzərində nəzarətinə görə əməkdaşlığını kritik hesab edir və onu Kabelloya nisbətən daha praqmatik fiqur kimi dəyərləndirir.
"AzPolitika.info"
Daha ətraflı məlumat və yeniliklər üçün ain.az saytını izləyin.
